بەرێوەبەرایەتیی هاتوچۆی هەولێر رایدەگەیەنێت، لە هەندێك پلاتفۆرمی تۆڕی كۆمەڵایەتی بە تایبەت لە (تیك تۆك) هەندێك ڤیدیۆی دروستكراو بۆ سەرلێشێواندن بڵاوكراوەتەوە گوایە ئۆتۆمبێلی تۆیۆتا كراون ( ناسراو بە مەلیكە) تۆماركراوە و ژمارەیان پێدراوە.
لە راگەیەندراوەكەی هاتوچۆی هەولێردا هاتووە، ئەو پڕۆسەیەی لە بەڕێوەبەرایەتیمان بەرێوەدەچێت تەنها پشكنینە بە ئامێری سكانەر و هیچ ئۆتۆمبێلێك ژمارەی پێنەدراوە و هیچ بڕیارێكی نوێش دەربارەی ئەو ئۆتۆمبێلانە نییە.
هەر لە راگەیەندراوەكەدا هاتووە، داوا لە هاوڵاتییان دەكەین بە وریاییەوە مامەڵە بكەن و سەرمایەی خۆیان لەو جۆرە ئۆتۆمبێلانە بە فیڕۆ نەدەن كە مەرجەكانی سەلامەتیان تێدا نییە و تۆمارناكرێن.
