ئەمڕۆ یەکێتیی نیشتمانیی کوردستان و پارتی دیموکراتی کوردستان لە شاری هەولێر کۆدەبنەوە.
بەگوێرەی زانیارییەکان، کۆبوونەوەکە لە بارەگای مەکتەبی سیاسیی یەکێتی لە شاری هەولێر دەبێت و لەسەر ئاستی باڵا ئەنجامدەدرێت.
هەر بەگوێرەی زانیارییەکان، لە کۆبوونەوەکەدا گفتوگۆ لەبارەی پرسی پێکهێنانی کابینەی نوێی حکومەتی هەرێمی کوردستان و عێراق دەکرێت، هەروەها یەکلاکردنەوەی پۆستی سەرۆککۆماری عێراقیش تەوەرێکی دیکەی کۆبوونەوەکە دەبێت.
