نیوەڕۆی ئەمڕۆ لە رووداوێکی هاتوچۆدا لەسەر رێگەی کەلار- خانەقین دوو کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، “نیوەڕۆی ئەمڕۆ لەسەر رێگای کەلار- خانەقین نزیک گوندی شێرەوەن بەهۆی پێکدادانی دوو ئۆتۆمبێلی جۆری (تۆیۆتا هایلۆکس و شۆفرلێت HHR) دووکەس برینداربوون کە هەردووکیان شۆفێری هەردوو ئۆتۆمبێلەکانن”.
ئاماژەی بەوەشکرد، “ئۆتۆمبێلی جۆری تۆیۆتا هایلۆکس بە ئاراستەی قەزای خانەقین رۆیشتوە و ئۆتۆمبێلی جۆری شۆفرلێت HHR بە ئاراستەی کەلار هاتووە و پێکیانداداوە”.
ئاشکراشیکرد، “دوای گەیاندنی بریندارەکان بە نەخۆشخانە، لێکۆڵینەوە لە رووداوەکە لەلایەن تیمی هاتووچۆوە دەستیپێکردووە”.
