ژووری بازرگانیی سلێمانی رایدەگەیەنێت، یەكێتیی ژوورە بازرگانی و پیشەسازییەكانی هەرێم لەگەڵ سەرۆك وەزیرانی عێراقدا كۆبوونەوە كە بەڵێنیداوە كار بۆ چارەسەركردنی كێشەكان لە ئاییندەیەكی نزیكدا بكات.
ژووری بازرگانیی سلێمانی بڵاویكردووەتەوە، یەكێتیی ژوورە بازرگانی و پیشەسازییەكانی هەرێمی كوردستان لەگەڵ محەمەد شیاع سودانی، سەرۆك وەزیرانی عێراق و فوئاد حسێن، وەزیری دەرەوەی عێراقدا كۆبوونەتەوە.
لە راگەیەندراوەكەی ژووری بازرگانی سلێمانیدا هاتووە، “لە كۆبوونەوەكەدا باس لە كێشە و گرفتەكانی بازرگانانی هەرێمی كوردستان كران و پێشنیازەكان بە مەبەستی چارەسەركردنی كێشەكان و بەرەوپێشبردنی كەرتەكانی بازرگانی و پیشەسازی خرانەڕوو و سەرۆك وەزیرانی عێراقیش بەڵێنیدا كە كاربكات بە مەبەستی چارەسەركردنی كێشەكان لە ئایندەیەكی نزیكدا”.
