سەرۆكی لیژنەی نەوت و وزە لە ئەنجومەنی پارێزگای هەولێر رایدەگەیەنێت، نەوتی هەرێم لە رێگای كۆمپانیای سۆمۆوە بفرۆشێت هاوشێوەی پارێزگاكانی عێراق دەبێت یەك لیتر بەنزین لە هەرێمی كوردستان 450 دینار بێت.
نافز ناوپردانی سەرۆكی لیژنەی نەوت و وزە لە ئەنجومەنی پارێزگای هەولێر لە لێدوانێكدا بە تۆڕی میدیایی ئێستای راگەیاند، ئەگەر كۆمپانیای سۆمۆ نەوتی هەرێم بفرۆشێت دەبێت هاوشێوەی پارێزگاكانی عێراق نرخی یەك لیتر بەنزین بە 450 دینار بێت و نەوتی سپی یەك لیتری بە 400 دینار و هاوشێوەی بودجە پرسی نەوت و بەنزین لە عێراق لە رووی كوالێتی و نرخەكەیەوە یەك سیستم بێت.
ئاشكراشیكرد، بەرپرسانی وەزارەتی نەوتی عێراقیش باسیان لەوە كردووە كە سیستمی سووتەمەنی یەكدەخەن بە هەرێمی كوردستانیشەوە.
