لەسەر ڕاسپاردەی یۆرگن کلۆپ، سیان لە یاریزانانی یانەی لیڤەرپوڵ ناویان لە لیستی فرۆشتندا جێگیرکراوە و هیچ چانسێک بۆ بەردەوامبوونیان نەماوە.
ڕۆژنامەی “بێلد سپۆرت”ی ئەڵمانی لە زاری فابریزیۆ ڕۆمانۆی رۆژنامەنووس و شارەزای بواری گواستنەوەکانەوە ئاشکرایکردووە، لەسەر داوای یۆرگن کلۆپی ڕاهێنەر، ئیدارەی لیڤەرپوڵ بڕیاری فرۆشتنی نابی کیتا، ئەلێکس ئۆکسلەید چامپەرلین، ئارسەر مێلۆ-ی داوە.
یەکێکی دیکەش لەو یاریزانانەی پێشوەخت ڕۆیشتنی لە لیڤەرپوڵ ئاشکراکردووە، ڕۆبێرتۆ فێرمینۆی هێرشبەری بەڕازیلی-یە.
لەبەرامبەر فرۆشتنی ئەو یاریزانانەدا، ئیدارەی “ڕێدز” لە مێرکاتۆی هاوینی 2023 هەوڵ بۆ واژۆکردنی گرێبەست لەگەڵ جوود بێلینگهامی یاریزانی یانەی بوروسیا دۆرتمۆند دەدات.
