جۆرێكی به‌ناوبانگی تووتنی نێرگه‌له‌ ساخته‌كراوه‌

قائیمقامیه‌تی سلێمانی (200) كارتۆن تووتنی نێرگه‌له‌ی لەناوبرد و دەڵێت، تووتنەكە ساختەكراوە.

‌بەپێی راپۆرتی لیژنه‌ی له‌ناوبردن لە قائیمقامیه‌تی سلێمانی، به‌هۆی فێڵكردن له‌ دروستكردنیدا و ساغكردنه‌وه‌ی به‌ناوی جۆرێكی به‌ناوبانگی تووتنهوە‌، لیژنه‌ هاوبه‌شه‌كانی قائیمقامیه‌تی سلێمانی ده‌ستیان به‌سه‌ر (200) كارتۆن تووتنی نێرگه‌لهدا گرت كه‌ بڕه‌كه‌ی سێ تۆن و (200) كیلۆگرامه‌.

راپۆرته‌كه‌ ئاشكرایكردووە، ئه‌مڕۆ سێشه‌ممه‌ تووتنەكە له ‌ناوچه‌ی ده‌ره‌وه‌ی نیشته‌جێبوون له‌لایه‌ن لیژنه‌ی له‌ناوبردنه‌وه‌ له‌ناوبراوه‌ و خاوه‌نه‌كه‌شی به تۆمه‌تی فێڵكردن روبوه‌ڕووی رێكاری یاسا ده‌كرێته‌وه‌.