تیمەكانی بەڕێوەبەرایەتیی گشتیی تەندروستیی سلێمانی، پشكنین بۆ شەربەت و شیرینییەكانی ناوبازاڕ دەكەن.
بەپێی راگەیەندراوێكی بەڕێوەبەرایەتیی گشتیی تەندروستیی سلێمانی، بۆ چڕكردنەوەی چاودێریكردنی بازاڕ و شوێنە گشتییەکان بۆ دڵنیابوونەوە لە شیاویی خواردن و خواردنەوەكان لە مانگی رەمەزاندا، بەپێی ئەو پلانەی دانراوە نموونە لە سەرجەم ئەو شەربەت و شیرینی و خواردنانە وەردەگیرێت كە لە مانگی رەمەزاندا دەفرۆشرێن و پشكنینی تاقیگەییان بۆ دەكرێت.
تەندروستیی سلێمانی دەڵێت، “ئەمڕۆ تیمەكانی چاودێریی تەندروستی سەردانی ژمارەیەك شەربەتخانەیان لە شاری سلێمانی كرد و نموونەیان لەو شەربەتانە وەرگرت کە بە هاوڵاتییان دەفرۆشرێن، نموونەکان رەوانەی تاقیگەی پشکنینی ئاو و خۆراك كراون بە مەبەستی دڵنیابوون لە شیاویی ئەو شەربەتانەی ئێستا لە بازاڕدا هەن”.
