بۆیان کریکیچ، هێرشبەری ئیسپانیا و پێشووی یانەی بەرشلۆنە بەفەرمی وازهێنانی لە بواری تۆپی پێ ڕاگەیاند.
بۆیان کە بە ڕەچەڵەک سڕبییە، لە تەمەنی (32) ساڵیدا و دوای ئەزموونکردن لە یانەکانی بەرشلۆنە، ڕۆما، میلان، ئەیاکس، ستۆک سیتی، ماینز، ئالاڤێس، مۆنتریاڵ، ڤیسڵ کۆبی، وازهێنانی یەکجارەکی لە بواری تۆپی پێ ڕاگەیاند.
بۆیان کریکیچ یەکێکبوو لە بەهرەمەندەکانی “لاماسیا”ی بەرشلۆنە، شارەزایان و میدیاکانی ئیسپانیا چاوەڕێیان دەکرد جێگەی لیۆ مێسی بگرێتەوە، یاخود بەلایەنی کەمەوە ببێتە یەکێک لە ئەستێرە بەتواناکانی ئیسپانیا لە ساڵانی داهاتوودا، بەڵام ئەوە ڕووینەدا.
یاریزانە سڕبی – ئیسپانییەکە، بۆ دوایین جار ئەزموونی یاریکردنی لە یانەی ڤیسڵ کۆبی لە خولی ژاپۆن تاقیکردەوە، لەو یانەیە (26) یاری ئەنجامدا، تەنها گۆڵێکی تۆمارکرد.
