ئه‌مشه‌و یەکشه‌ممه، یارییەکانی هه‌فته‌ی (27)ی خولی پله یه‌کی ئیتاڵیا بەردەوامییان هەبوو، یانه‌ی لازیۆ بردنه‌وه‌یه‌کی گرنگی به‌رامبه‌ر ڕۆما تۆمارکرد.
یانەی لازیۆ له یاریگای “ئۆڵێمپیکۆ” دێربیی پایتەختی بەرامبەر ڕۆمای ڕکابەری مێژوویی ئەنجامدا.
یارییەکە به ئه‌نجامی گۆڵێکی بێبه‌رامبه‌ر له به‌رژه‌وه‌ندیی ئەستێرەکانی ماوریزیۆ ساری “لازیۆ” کۆتاییهات.
گۆڵه یەکلاکەرەوەکەی لازیۆ له خوله‌کی 65 له‌لایه‌ن ماتیا زاکاینی-یەوە تۆمارکرا.
بەو بردنەوەیە، یانه‌ی لازیۆ ژماره‌ی خاڵه‌کانی گه‌یانده (52) و بە شێوەیەکی کاتی سەرکەوت بۆ پلەی دووەمی ڕیزبه‌ندیی خولی ئیتاڵیا، له‌به‌رامبه‌ردا یانه‌ی ڕۆما به (47) خاڵه‌وه چووە خانەی پێنجەمی ڕیزبەندییەکە.
