بومەلەرزەیەكی دیكە شاری قارەمان مەڕەشی باكووری كوردستانی هەژاند.
كەمێك لەمەوبەر بومەلەرزەیەك بە گوڕی 4.7 پلە بە پێوەری رێختەر، ناوچەی گوێكسونی شاری قارەمان مەڕەشی باكووری كوردستانی هەژاند.
دامەزراوەی بەڕێوەبردنی كارەسات و باری لەناكاوی توركیا دەڵێت، بومەلەرزەكەی مەڕەش لە قووڵایی حەوت كیلۆمەتر لە ژێر زەویدا روویداوە و زیانی گیانیی لێنەكەوتووەتەوە.
بەپێی ناوەندەكانی هەواڵی توركیا، تا ئێستا زیانە ماددییەكانی بومەلەرزەكە نەزانراون، بەڵام نەبووەتەهۆی داڕووخانی هیچ باڵەخانەیەك.
قارەمان مەڕەش یەكێكە لە دیارترین ئەو شار و ناوچانەی باكووری كوردستان كە رۆژی شەشی مانگی رابردوو بومەلەرزە تیایاندا روویدا و بووەهۆی مردنی 48 هەزار و 448 کەس.
