ئەو كەسانەی لە باخەكەی كێلەسپی لە دوو رۆژی رابردوودا لەلایەن هێزەكانی ئاسایشی سلێمانییەوە دەستگیركراون تۆمەتبارن بە كوشتنی گەنجێك بەناوی ئارام جەمال شاسوار و ئەمڕۆ هەینی كەسوكاری ئەو گەنجە كوژراوە لەبەردەم دادگای سلێمانی لە كۆنگرەیەكی رۆژنامەوانیدا داوایانكرد دەستگیركراوان بە سزای یاسایی خۆیان بگەیەندرێن.
ئاماژەیان بۆ ئەوەش كرد، كوڕەكەیان ساڵێك و سێ مانگ لەمەوبەر لەلایەن 20 چەكداری نێو ئەو باخەوە دراوەتە بەر دەستدرێژی گوللە و گیانیلەدەستدا و كەسێكی دیكەشی لەگەڵدا بووە بە سەختی برینداربووە.
راشیانگەیاند، دوای رووداوەكە هاردی كامێرای مزگەوتەكەیان بردووە و چەند تۆمەتێكی دیكە ماون و لەلایەن كەسانێكەوە داڵدە دەدرێن، بۆیە ئێمە دەستخۆشی لە هێزەكانی ئاسایش دەكەین كە دوو رۆژ لەمەوبەر ئەو تۆمەتبارەیان دەستگیركرد.
