لە رووداوێكی هاتوچۆدا لەسەر رێگای سەرەكیی بازیان- سلێمانی 20 خوێندكار برینداربوون.
سامان شێخ لەتیف وتەبێژی بەڕێوەبەرایەتیی تەندروستیی سلێمانی لە لێدوانێكدا بە تۆڕی میدیایی ئێستای راگەیاند، رووداوەكە لە نێوان پاسێكی خوێندكاران و بارهەڵگرێكدا روویداوە لەسەر رێگای سەرەكيی بازیان- سلێمانی بووە و تائێستا 20 خوێندكار برینداربوون چارەسەری سەرەتاییان بۆ كراوە و تەندروستیی دوو لە بریندارەكان ناجێگیرە.
