ئاسایشی سلێمانی ڕایدەگەیەنێت، هەڵمەتەكانی دەستبەسەرداگرتنی چەکی بێمۆڵەت و ئۆتۆمبێلی بێسەرەتا لەلایەن هێزەكانیانەوە بەردەوام دەبێت، چاوپۆشی لە هیچ کەس و لایەنێک ناکرێت و یاسا و ڕێنماییەکانی جێگری سەرۆکی حکومەت وەک خۆی جێبەجێ دەکرێت.
ئاسایشی ڕۆژئاوای سلێمانی ڕایگەیاند، هێزەكانیان لە بازگەی بانمەقان هەڵمەتێکی دەستبەسەرداگرتنی چەکی بێمۆڵەت و ئۆتۆمبێلی بێسەرەتا و ئەو ئۆتۆمبێلانەی جامەکانیان بەشێوەیەکی نایاسایی ڕەشکردووە، دەستپێکردووە.
دەشڵێت، هەڵمەتەکە لە سەرجەم بنکە و بازگە و یاریدەدەرێتیەکانی سەر بە بەڕێوەبەرایەتییەكەیان بەردەوام دەبێت.
ئاسایشی ڕۆژئاوا دووپاتیشیدەكاتەوە، چاوپۆشی لە هیچ کەس و لایەنێک ناکرێت، یاسا و ڕێنماییەکانی جێگری سەرۆکی حکومەت وەک خۆی جێبەجێ دەکرێت.
