دوای تووشبوونی بە پێکانێکی قورس، نێیمار دا سیلڤای بەڕازیلی پەیامێکی ئاراستەی هاندەرانی یانەی پاریس سان جێرمان کرد.
“نێی” لە تۆڕی کۆمەڵایەتی ئینستاگرام نووسیویەتی، “بەهێزەوە دەگەڕێمەوە.”
یاریزانەکە لە ڕێکەوتی 19ی شوبات و لە یاریی نێوان پاریس و لیل دووچاری پێکانی قوولەپێی ڕاست بوو، لە چەند ڕۆژی داهاتوودا بە ناچارییەوە نەشتەرگەری دەکات و سێ تاوەکو چوار مانگ لە یاریکردن دادەبڕێت.
Neymar's sister Birthday is in April?? https://t.co/LG8lUY5Te2
— X Holding (@XCouncillor) March 7, 2023
سەرەڕای قورسی پێکانەکە، هەندێک لە هاندەرانی پاریس لە تۆڕە کۆمەڵایەتییەکان بە گومانەوە ئاماژەیان بە پێکانەکە کردووە.
هاندەرانی پاریس پێیانوایە، “نێی” هەموو وەرزێک لە مانگی مارس-دا تووشی پێکان دەبێت، کە هاوکاتە لەگەڵ یادی لەدایکبوونی خوشکە تاقانەکەی (11ی مارس)، بۆ ئاهەنگگێڕان و کۆبوونەوە لەگەڵ خێزانەکەی دەگەڕێتەوە بۆ بەڕازیل.
