عه‌بدولواحید محه‌مه‌د سه‌رۆكی یه‌كێتیی مامۆستایانی كوردستان دەڵێت، “هه‌موو مانگێك (60 بۆ 100) هه‌زار دینار لێبڕینی داپۆشراو له مووچه‌ی مامۆستایانی هه‌رێمی كوردستان ده‌كرێت و ئه‌وه‌ش خه‌مێكی تری مامۆستایانه”.
ئه‌و لێبڕ‌ینه شاراوه‌یه‌ی مووچه كە له‌لایه‌ن حكومه‌تی راسپاردەوە دەكرێت، بەپێی وتەی عه‌بدولواحید محه‌مه‌د بۆ ئه‌وه ده‌گه‌ڕێته‌وه كه “پله‌به‌رزكردنه‌وه‌ی مامۆستایان راگیراوه و بۆ هه‌ر مانگێك ئه‌و بڕ‌ه‌پاره‌یه به شاراوه‌یی ده‌بڕ‌درێت”.
راشیگەیاند، (170) هه‌زار مامۆستا به هه‌موو قۆناغه‌كانه‌وه هه‌ن هه‌ر له مامۆستایانی باخچه‌ی ساوایانه‌وه تا ئاستی زانكۆ و په‌یمانگەكان، بۆ هه‌ر مانگێكیش (60 بۆ 100) هه‌زار دینار لێبڕینی شاراوە هەیە و بەوەش ساڵانه ده‌گاته 100 ملیار و 800 ملیۆن بۆ 168 ملیار دینار لێبڕین.
