مەیخانەیەكی دێرین لە عێراق دۆزرایەوە كە مێژووەكەی دەگەڕێتەوە بۆ نزیكەی پێنج هەزار ساڵ لەمەوبەر.
مەیخانە شوێنەوارییەكە تیمێكی شوێنەوارناسیی زانكۆی پێنسلڤانیای ئەمریكی لە شاری دێرینی لەكش لە پارێزگای زیقاری باشووری عێراق دۆزیویانەتەوە، مێژووی بونیادنانی دەگەڕێتەوە بۆ 2700 ساڵ پێش زایین.
سەرپەرشتیارانی دۆزینەوەكە دەڵێن، پاشماوەی چێشتخانە و كورسی و فڕن و ساردكەرەوەیەكی سەرەتایی و تەنانەت پاشماوەی خواردەمەنییان لە ناو مەیخانەكەدا دۆزیوەتەوە.
شاری مێژوویی لەكش لە باشووری عێراق یەكێكە لە ناوچە دێرینەكانی جیهان و چەندین ناوچەی شوێنەواریی دێرین لەخۆدەگرێت.
