ئاگر لە مۆڵێكی هەولێر كەوتەوە و لەلایەن تیمەكانی ئاگركوژێنەوەوە كۆنتڕۆڵكرا.
ئەمشەو باڵەخانەی تابلۆمۆڵ لەسەر شەقامی 60 مەتری هەولێر ئاگریگرت و پاش ماوەیەك لەلایەن تیمەكانی ئاگركوژێنەوەوە كۆنتڕۆڵكرا.
پەیامنێرمان لە هەولێر پێیڕاگەیاندین، رووداوەكە تەنها زیانی ماددی هەبووە، هیچ زیانێكی گیانی لێنەكەوتووەتەوە.
بەدروستی سەرچاوەی ئاگرەكە نازانرێت، بەڵام پێدەچێت لە چێشتخانەیەكی مۆڵەكەوە سەریهەڵدابێت.
