بەبۆنەی کۆچی دوایی سری سورەییا ئوندەر مەزڵوم عەبدی پەیامێکی بڵاوکردەوە و رایگەیاند، ماندووبوون و خەباتی ناوبراو بۆ ئاشتی و چارەسەری و پێکەوەژیان جێگەی خۆی لە دڵ و یادەوەری گەلاندا کردووەتەوە.
مەزڵوم عەبدی فەرماندەی هێزەکانی سوریای دیموکرات (هەسەدە) لە پەیامێکدا کە لە تۆڕی کۆمەڵایەتی ئێکس بڵاویکردەوە رایگەیاند، بەداخ و پەژارەیەکی زۆرەوە هەواڵی کۆچی دوایی بەڕێز سری سورەیا ئۆندەر، سیاسەتمەدار و ئەندامی وەفدی ئیمڕاڵیمان پێگەیشت، ماندووبوون و خەباتی بۆ ئاشتی و چارەسەری و پێکەوەژیان جێگەی خۆی لە دڵ و یادەوەری گەلاندا کردووەتەوە.
لە بەشێکی دیکەی پەیامەکەیدا ئاماژەی بەوەکرد، پرسە و سەرەخۆشی خۆمان ئاڕاستەی خانەوادەکەی و هاوڕێیانی و دەم پارتی و چالاکوانانی ئاشتی دەکەین.
