لە كەركوك كەسێك دەستگیركرا كە بە ناوی سەرۆكی پەرلەمان و چەندین كاربەدەستی گەورەی تری دەوڵەتەوە كاریكردووە، لە بەغداد-یش سەركردەیەكی حەشدی شەعبی دەستگیركرا.
ئەمڕۆ یەكشەممە 13ی كانونی یەكەم، هێزە ئەمنییەكانی كەركوك پیاوێكیان دەستگیركرد كە خۆی وەك دادوەری نێودەوڵەتی ناساندووە و چەندین ساختەكاری ئەنجامداوە.
بەگوێرەی زانیارییەكان، دەستگیركراوەكە خۆی وەك دادوەر لە دادگای نێودەوڵەتیی بە دەزگاكانی دەوڵەت ناساندووە و بانگەشەی ئەوەی كردووە كە تایبەتە بە چارەسەركردنی كێشەكان. لەكاتی سەردانیدا بۆ دامەزراوە و فەرمانگەكان، هەروەها كاتی فێڵكردن لە هاوڵاتییان و بانگەشەكردنی ڕاییكردنی مامەڵەكانیان لەبەرانبەر پارەدا، نووسراوی ساختەی لەگەڵ خۆیدا بردووە كە بە ساختە پەراوێزی سەرۆكی پەرلەمانی عێراق و وەزیرەكانی لە نووسراو و بەڵگەنامە و مامەڵەكاندا نووسیوە.
تۆمەتبارەكە لە گەڕەكی زەورا لە كەركوك دەستگیركراوە و لە ماڵەكەیدا دەستگیراوە بەسەر چەندین مۆر و بەڵگەنامە و نووسراوی ساختەدا گیراوە.
هەر ئەمڕۆ هێزەكانی حەشدی شەعبی لە بەغداد حامد جەزائیری یەكێك لە سەركردەكانی حەشد-یان دەستگیركرد. هەرچەندە ناوبراو لە بارەگایەكی حەشدی شەعبی-دا دەستگیركراوە، هێزەكانی حەشد دەڵێن، “جەزائیری پێشتر سەركردەی حەشدی شەعبی بووە و بە تۆمەتی سەرپێچێكردنی ڕێنماییەكانی حەشد دەستگیركراوە.”
