ئەمشەو یارییەکی چارەنوسسازی قۆناغی نیوەی کۆتایی جامی جیهانی یانەکان ئەنجامدرا، یانەی هیلالی سعوودی بە بردنەوەی لە فلامینگۆ بلیتی یاریی کۆتایی بڕی.
یانەی هیلالی سعوودی لە یارییەکی بەهێزدا ڕووبەڕووی فلامینگۆی بەڕازیلی و پاڵەوانی ئەمریکای لاتین بووەوە، یارییەکە لە کاتی یاساییدا بە ئەنجامی سێ گۆڵ بەرامبەر گۆڵێک لە بەرژەوەندیی سعوودییەکان کۆتاییهات.
گۆڵەکانی هیلال لە خولەکەکانی چوار، 45، 70 لەلایەن سالم ئەلدەوسەری (دوو گۆڵ بە پەناڵتی)، لوسیانۆ ڤیتۆ-وە تۆمارکران، گۆڵەکانی فلامینگۆ لە خولەکەکانی 20، 91 لەلایەن پیدرۆ جیلێریمی-یەوە تۆمارکران.
بەو بردنەوەیەش، یانەی هیلالی سعوودی بووە جەمسەرێکی یاریی کۆتایی مۆندیالی یانەکان، چاوەڕوانی براوەی یاریی نێوان ڕیاڵ مەدریدی پاڵەوانی ئەوروپا و ئەهلیی پاڵەوانی ئەفریقا دەکات، کە بڕیارە سبەیشەو ڕێکەوتی (8ی شوبات) لە یاریگای “ئەمیر مەولای عەبدوڵا” ڕووبەڕووببنەوە.
