یانه‌ی مانچستەر یونایتد یاریی هەفتەی (22)ی خولی نایابی ئینگلیزی به‌رامبه‌ر کریستاڵ پاڵاس ئه‌نجامدا و بردنه‌وه‌ی تۆمار کرد.
ئەمشه‌و شەممە، لە چێوەی یارییەکانی هەفتەی (22)ی خولی نایابی ئینگلیزی “پریمه‌رلیگ”، یانەی مانچستەر یونایتد له “ئۆڵدترافۆرد” میوانداریی یانه‌ی کریستاڵ پاڵاسی کرد، یارییەکە بە ئه‌نجامی دوو گۆڵ به‌رامبه‌ر بە گۆڵێک له به‌رژه‌وه‌ندیی ئه‌ستێره‌کانی ئێریک تین هاگ کۆتاییهات.
گۆڵه‌کانی “ڕێد دێڤڵز” له خوله‌که‌کانی حەوت و 62 له‌لایه‌ن برونۆ فێرناندێز و مارکۆس ڕاشفۆردەوە تۆمارکران، گۆڵەکەی کریستاڵ لە خولەکی 76 لەلایەن جێری شلوپەوە تۆمارکرا.
لە یارییەکی دیکەدا، یانەی لیڤەرپوڵ لە دەرەوەی یاریگای خۆی بە ئەنجامی سێ گۆڵی بێوەڵام بەرامبەر وڵڤەرهاپتن دۆڕاندنی تۆمارکرد.
گۆڵەکان لە خولەکەکانی پێنج، 12، 71 لەلایەن جوێل ماتیپ (بەهەڵە)، کرەیگ داوسن و ڕوبن نیڤێزەوە تۆمارکران
بەپێی ئەنجامە تۆمارکراوەکە، مانچستەر یونایتد به کۆکردنه‌وه‌ی (42) خاڵ و به شێوه‌یه‌کی کاتی چووە پله‌ی سێیە‌می ڕیزبه‌ندیی یانه‌کانی پریمه‌رلیگ، لیڤەرپوڵ بە (29) خاڵەوە بۆ پلەی دەیەم.
