بافڵ جەلال تاڵەبانی، سەرۆکی یەکێتیی نیشتمانیی کوردستان ئەمڕۆ لە بەغدا پێشوازی لە ئێریک شۆڤالییێ، باڵیۆزی فەڕەنسا لە عێراق کرد و لە کۆبوونەوەیەکیشیدا رایگەیاند، ئامانجیان گەڕاندنەوە و پتەوكردنی متمانەیە لەنێوان هێزە سیاسییەكاندا.
بافڵ جەلال تاڵەبانی، سەرۆکی یەکێتیی نیشتمانیی کوردستان ئەمڕۆ لە بەغدا پێشوازی لە ئێریک شۆڤالییێ، باڵیۆزی فەڕەنسا لە عێراق کرد و لە دیدارێكدا دوایین گۆڕانكاری و پێشهاتە سیاسی و ئابوورییەكانی هەرێم و عێراق تاوتوێكران و یەكخستنی هەوڵەكان لەپێناو تێپەڕاندنی بەربەستەكان و زاڵبوون بەسەر كێشەكاندا جەختیلێکرایەوە.
هەر لە دیدارەکەدا سەرۆک بافڵ ئاماژەی بە هەوڵ و هەنگاوە سیاسییەكانی یەكێتی كرد لەپێناو بونیادنانی داهاتوویەكی سەقامگیر و رایگەیاند، “وڵات پێویستی بە كۆدەنگی و یەكڕیزی هەیە بۆ زاڵبوون بەسەر كێشەكاندا، ئامانجی ئێمەش گەڕاندنەوە و پتەوكردنی متمانەیە لەنێوان هێزە سیاسییەكاندا تاوەكو هەموومان پێكەوە وڵات بەرەو داهاتوویەكی ئارام و سەقامگیر ئاڕاستە بكەین”.
هاوکات هەر لە دیدارەکەدا پەرەپێدانی پەیوەندییەکانی نێوان هەردوولا جەختیلێکرایەوە و سەرۆک بافڵ ئاماژەی بەوە کرد، “بەوپێیەی فەڕەنسا ھاوبەشێکی سەرەکی ھەرێم و عێراقە، داواکارم پەیوەندییەکان لەسەر بنەمای پاراستنی بەرژەوەندییە گشتییەكان فراوانتر بکرێت و رۆڵێكی كاریگەرتر بگێڕن لەبەرەوپێشچوونی هەرێم و عێراقدا”.
