جوزێ مۆرینیۆی پۆرتوگالی، ڕاهێنەری یانەی ڕۆما خواستی لەسەر گەڕانەوەیە بۆ خولی نایابی ئینگلتەرا.
ڕۆژنامەی “دەیلی مەیڵ”ی بەریتانی لە زاری سەرچاوە نزیکەکانی مۆرینیۆوە ئاشکرایکردووە، ڕاهێنەرە پۆرتوگالییەکە بێزاربووە لە لاوازی دۆخی دارایی یانەی ڕۆما و ساردوسڕییان لە دابینکردنی یاریزانان و تۆکمەکردنی پێکهاتەی یانە.
بەپێی سەرچاوەکە، خێزانی “مۆو” تاوەکو ئێستا لە شاری لەندەن ژیان دەگوزەرێنن، ئەوەش وایکردووە ڕاهێنەرەکە پەرۆش بێت بۆ گەڕانەوە ڕووەو خولی نایابی ئینگلتەرا، بە تایبەت یانەی چێڵسی.
Beautiful Mourinho moment 🥹#UCL pic.twitter.com/OzIDnEm8jU
— UEFA Champions League (@ChampionsLeague) January 27, 2023
مۆرینیۆ ئامادەیی دەربڕیوە لە ئەگەری دوورخستنەوەی گراهام پۆتەر-دا، بۆ جاری سێیەم پۆستی ڕاهێنانی چێڵسی وەربگرێت، بەڵام ئیدارەی تۆد بۆیلی وەڵامێکی نەرێنییان داوەتەوە و هەموو پاڵپشتییەکی پۆتەر-یان کردووە، سەرەڕای ئەوەی یانەکەیان بە جیاوازی (10) خاڵ کەوتووەتە دوای مانچستەر یونایتدی چوارەمی ڕیزبەندیی “پریمەرلیگ”.
