سەرەتای ئەم هەفتەیە، سێ خوێندكار لە شاری سلێمانی دوای ئەوەی بڕێكی زۆری پارەیان دۆزییەوە، رادەستی بەڕێوەبەری خوێندنگەكەیان كرد.
خوێندكارەكان پێكهاتبوون لە محەمەد نەوزاد لە پۆلی 10ـی وێژەیی و یاد لوقمان و ئاریا میدیا لە پۆلی 11ـی زانستی لە ئامادەیی (ئەمین فەیزیی کوڕان) لە گەڕەکی عەواڵی شاری سلێمانی، بڕی چوار هەزار دۆلاری ئەمریكی و 400 هەزار دیناریان دۆزیبووەوە و رادەستی بەڕێوەبەری خوێندنگەكەیان كردبوو.
ئەمڕۆ پێنجشەممە و لە كۆنگرەیەكی رۆژنامەوانیدا كە پەیامنێری تۆڕی میدیایی ئێستا ئامادەیبوو، خوێندكارەكان و ستافی خوێندنگەكە پارەكانیان رادەستی خاوەنەكەی كردەوە و هەڵوێستی ئەو خوێندكارانە و دەستپاكییان نرخێندران و سوپاسنامەیان ئاراستەكرا.
