کارلۆ ئەنچیلۆتیی ڕاهێنەری یانەی ڕیاڵ مەدرید دووپاتیکردەوە، لە وادەی گواستنەوەکانی زستانەدا هیچ یاریزانێکی نوێ ناکڕن.
بەر لە ڕووبەرووبوونەوەی ئەتلەتیکۆ مەدرید لە جامی شای ئیسپانیا، کارلۆ ئەنچیلۆتی کۆنگرەیەکی ڕۆژنامەوانیی ئەنجامدا.
لەوەڵامی پرسیارێکدا، ڕایگەیاند، “فران گارسیای یاریزانی ڕایۆ ڤایکانۆ پەیوەندیمان پێوە ناکات، پێکهاتەکەمان تێروتەسەلە و دەرگای گواستنەوەکانمان تاوەکو حوزەیرانی داهاتوو داخستووە، لە مێرکاتۆی زستانەدا هیچ بۆندێکی نوێمان نابێت.”
🚨🎙️ Carlo Ancelotti : Alaba sera disponible demain. Tchouameni et Hazard seront disponibles pour dimanche. Carvajal et Lucas sont exclus. Petit à petit les joueurs se rétablissent et la condition physique de l’équipe s’améliore. pic.twitter.com/lzF5iUlvFb
— LosMadridistas (@LosMadridistas_) January 25, 2023
لەبارەی یاریزانە پێکراوەکانیشەوە وتی، “ئالابا بۆ دێربی مەدرید ئامادەیە، چوامینی و هازارد یەکشەممەی داهاتوو دەگەڕێنەوە، کارڤاخال و ڤاسکێز زیاتر دووردەکەونەوە، پێکراوەکان بەگشتی بەرەو باشبوون دەچن و ئاستی جەستەییمان دەگەڕێنینەوە.”
بڕیارە سبەیشەو پێنجشەممە، کاتژمێر (11:00) بەکاتی هەرێمی کوردستان لە چێوەی یارییەکانی قۆناغی چارەکی کۆتایی جامی شای ئیسپانیا، یانەی شاهانەی مەدرید لە یاریگای “سانتیاگۆ بێرنابیۆ” میوانداریی ئەتلەتیکۆ مەدرید بکات.
