گۆڤاری فۆربس ناوی ڕیزبەندی 10 لە بەهێزترین ژنانی جیهانی بڵاوکردەوە، کە خاوەنی هەوادارێکی زۆرن و هەژمونی پیاوانیان لە هەندێک بواری گرنگدا شکاندووە، جێ پەنجەیان لە جیهاندا دیارە.
ئەنگێلا مێرکڵ لە پلەی یەکەمی ڕیزبەندییەکەدایە و یەکەمی ئەو 100 ژنەیە کە گۆڤاری فۆربس وەک بەهێزترینەکان بڵاویکردوونەتەوە لە گرنگترینیشیان ژنە سیاسییەکانن.
یەکەم: ئەنگێلا مێرکڵ، ڕاوێژکاری ئەڵمانیا
گۆڤاری فۆربس بە ‘ سەرکردەی ڕاستەقینەی ئەوروپا’ وەسفی کردووە، کە ئاواتی منداڵی ئەوە بووە ببێت بە مامۆستا بەڵام گەیشت بەبەرزترین پلەی سیاسی لە وڵاتەکەیدا و فەرمانڕەوایی گرنگترین وڵاتی کیشوەرە پیرەکە دەکات.
دووەم: کریستین لاگارد
سەرۆکی بانکی ناوەندی ئەوروپییە لە ساڵی 2019ەوە، سەرۆکی سندوقی دراوی نێودەوڵەتی بووە لە ساڵی 2011 تاوەکو 2019.
سێیەم: کامالا هاریس
سیاسییەکی ئەمریکییە، لە هەڵبژاردنەکانی سەرۆکایەتیی ئەمریکا سەرکەوتنی بەدەستهێنا بۆ پۆستی جێگری سەرۆکی ئەمریکا، بەمەش بووبە یەکەم ژن و یەکەم ئەمریکی ڕەشپێستی بە ڕەچەڵەک ئەفریقی کە ئەو پۆستەی وەرگرتبێت، ئەندامی ئەنجومەنی پیرانی ئەمریکا بووە لە ساڵی 2017.
چوارەم: ئۆرسۆلا فۆن دێرلاین
سەرۆکی کۆمسیۆنی ئەوروپا، هەندێک بە بەهێزترین ژنی ئەوروپا ناوی دەبەن، وەک وەزیری بەرگریی ئەڵمانیا کاریکردووە لە ساڵانی 2013 تاوەکو 2019.
پێنجەم: میلندا گەیتس
هاوسەری بیڵ گەیتسی دامەزرێنەری کۆمپانیای مایکرۆسۆفت، سەرۆکی کار و بەڕێوبەری پێشووی کۆمپانیای مایکرۆسۆفت بووە و ڕۆڵی کاریگەری هەیە لە پرۆژە و چالاکییە خێرخوازییەکاندا.
شەشەم: مارا بارا
بەڕێوبەری جێبەجێکاری کۆمپانیای جێنێراڵ مۆتۆرزی ئەمریکییە، یەکەم ژنە کە بەڕێوبەرایەتیی یەکێک لە سێ گەورەترین کۆمپانیاکانی دروست کردنی ئۆتۆمبێل بکات لە ئەمریکا.
حەوتەم: نانسی پێلۆسی
نانسی پێلوس، 52ەمین سەرۆکی ئەنجومەنی نوێنەرانی ئەمریکایە، دەرکەوتنی ناوی پێلۆسی دەگەڕێتەوە بۆ ماوەی ڕێکارەکانی لەسەرکار لابردنی دۆناڵد ترەمپی سەرۆکی ئەمریکا لە ساڵی 2019.
هەشتەم: ئانا باتریسیا پۆتین
سەرۆکی جێبەجێکاری کۆمەڵەی بانکی سانتاندێر لە ساڵی 2014.
نۆیەم: ئەبیگێڵ جۆنسن
سەرۆکی کۆمپانیای فیدیلیتی بووە لە 2014، سامانەکەی دەگاتە 15 ملیار دۆلار.
دەیەم: جیل کۆزیارا پۆدرۆ
سەرۆکی جێبەجێکاری یەکێک لە گەورەترین کۆمپانیاکانی بیمە لە ئەمریکا لە ساڵی 2017ەوە، پێشتریش سەرۆکی جێبەجێکاری یەکێک لە گەورەترین کۆمپانیاکانی بیمەی تەندروستی بووە لە ئەمریکا.
