نەشتەرگەریی لوت ڕێکارێکی پزیشکییە بۆ جوانکاریی و گۆڕانکاری لە شێوازی لوتدا، دوای شکان یان تووشبوون بە کێشە یان کاتێک کەسەکە شێوازی لوتی بەدڵ نییە، دوو جۆر جوانکاریی لوت هەن جوانکاریی بە نەشتەرگەری و بەبێ نەشتەرگەری.
هەردوو جۆری جوانکاریی لوت لایەنی ئەرێنی و نەرێنییان هەیە، کە دەکرێت کاریگەرییەکانیان لەسەر کەسی نەخۆش دەربکەوێت.
دیارترین جۆری جوانکاریی لوت بەبێ نەشتەرگەری، جوانکاریی دەرهێنانی چەوریی و شلە کانی لوتە، کە جوانکارییەکی کاتییە بەڵام چاکبوونەوەی ئاسانترە و ماوەیەکی کەمتری پێویستە.
لەلایەکی دیکەوە جوانکاریی لوت بە نەشتەرگەری ئاڵۆزترە و دەکرێت شێوازی لوتر باشتر بگۆڕێت بەڵام کاتێکی زۆر زیاتری دەوێت بۆ چاکبوونەوە.
سوودەکانی جوانکاریی لوت بەبێ نەشتەرگەری:
یەکەم: جوانکارییەکە کاتێکی کەمی دەوێت و خێراترە، ئەم ڕێگەیە کاتێکی کەمتری دەوێت کە کەمترە لە 30 خولەک، لەبەرامبەر یەک بۆ چوار کاتژمێر کە نەشتەرگەریی جوانکاریی پێویستییەتی.
دووەم: ئەنجامی خێرا، جوانکاریی بەبێ نەشتەرگەریی هەر لەدوای ئەنجامدانی ڕێکارەکانی ئەنجامەکەی دەرەدەکەوێت.
سێیەم: زوو چاکبوونەوە.
چوارەم: پێویست بە ڕێنمایی و ئاگاداربوون ناکات دوای جوانکارییەکە لەبەرئەوەی کەسی نەخۆش زوو چاکدەبێتەوە و چاودێریی پێویست نییە.
پێنجەم: کاریگەرییە نەرێنییەکانی زۆر کەمترە لەسەر نەخۆش، بۆ ئەو کەسانەی گۆرانکاریی کەم و بچووکیان پێویستە هەڵبژاردنێکی باشە.
سوودەکانی جوانکاریی لوت بە نەشتەرگەری:
یەکەم: دەکرێت چارەسەری چەند کێشەیەک بکرێت لە یەک کاتدا، ئەگەر کەسێک چەند کیسەیەک لە لوتیدا هەبێت دەتوانێت لە کاتی یەک نەشتەرگەریدا سەرجەمیان چارەسەربکات.
دووەم: ئەنجامەکانی هەمیشەیین و کاتی نین.
سێیەم: تەنها بۆ شێوەی دەرەوەی لوت نییە، دەکرێت لەکاتی نەشتەرگەریی جوانکاریی لوتدا چارەسەری کێشەی هەناسەدان و کێشەکانی دیکەی لوت بکات.
لایەنە نەرێنییەکانی نەشتەرگەریی جوانکاریی لوت:
یەکەم: بێهۆشکردنی گشتی، کەسی نەخۆش پێویستە بێهۆشکردنی گشتیی بۆ بکرێت بۆ نەشتەرگەرییەکەی.
دووەم: ماوەی چاکبوونەوە، ئەو کاتەی پێویستە بۆ چاکبوونەوەی کەسێک دوای جوانکاریی لوت ماوەیەکی زۆرە و پێویستی بە چاودێرییە.
سێیەم: گۆڕانکاریی تێیدا زۆر قورسە، ئەگەر کەسی نەخۆش شێوازی لوتی بەدڵ نەبێت ناتوانرێت بە ئاسانی گۆڕانکاریی تێدابکرێت.
