یانه‌ی ئارسیناڵ یاریی هەفتەی (20)ی خولی نایابی ئینگلیزی به‌رامبه‌ر تۆتنهام هۆتسپێرز ئه‌نجامدا و بردنه‌وه‌ی تۆمار کرد.
ئەمشه‌و یەکشەممە، لە چێوەی یارییەکانی هەفتەی (20) خولی نایابی ئینگلتەرا “پریمه‌رلیگ”، یانەی ئارسیناڵ له “ئیماراتس” میوانداریی یانه‌ی تۆتنهامی هاوسێی کرد.
یارییەکە بە ئه‌نجامی دوو گۆڵی بێبه‌رامبه‌ر له به‌رژه‌وه‌ندیی ئه‌ستێره‌کانی مایکڵ ئارتێتا کۆتاییهات.
گۆڵه‌کانی “گانەرز” له خوله‌کەکانی 14، 36 له‌لایه‌ن هوگۆلۆریس (بەهەڵە)، مارتن ئۆدیگاردەوە تۆمارکران.
بەپێی ئەنجامە تۆمارکراوەکە، ئارسیناڵ به کۆکردنه‌وه‌ی 47 خاڵ لە پله‌ی یەکەمی ڕیزبه‌ندیی یانه‌کانی پریمه‌رلیگ جێگیربوو، لەبەرامبەردا تۆتنهام بە 33 خاڵەوە چووە پلەی پێنجەم.
