وەزارەتی كارەبای هەرێم رایدەگەیەنێت، وێستگەی گۆڕینی كارەبای مۆبایل بە شێوەی ئەزموونی لە سەیدسادق بەگەڕخرا.
بەپێی راگەیەندراوێكی وەزارەتی كارەبای هەرێم، كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ پێنج شەممە وێستگەی گۆڕینی كارەبای سەیدسادق مۆبایل كە یەكێكە لە پڕۆژە گرنگەكانی ژێرخانی كارەبای قەزای سەیدسادق سوودێكی زۆری هەیە بۆ دابەشكردنی كارەبای سنوورەكە بەشێوەی ئەزموونی خرایە ژێر ڤۆڵتییەوە.
هەر لە راگەیەندراوەكەدا هاتووە، لە چەند رۆژی داهاتوو دوای دەركردنی فیدەرەكانی كارەبا بەگەڕ دەخرێت و كێشەی بارزۆری چەند فیدەرێكی قەزاكە چارەسەردەكات.
وەزارەتی كارەبا راشیگەیاند، تێچووی پڕۆژەكە بڕی دوو ملیار دینارە كە بە سەرپەرشتیی بەڕێوەبەرایەتیی گواستنەوەی وزەی كارەبای سلێمانی و لەسەر بودجەی لە 8%ی ی داهاتی كارەبا جێبەجێكراوە.
