وتهبێژی حهج و عومرەی هەرێمی كوردستان رایدەگەیەنێت، سعودییە مەرجی پێشوەختەی بۆ ئەو کەسانە داناوە کە ناویان بۆ پڕۆسەی حەجی ساڵی داهاتوو گەڕاوەتەوە.
كاروان ستونی، وتهبێژی حهج و عومرهی هەرێمی كوردستان بە تۆڕی میدیایی ئێستای راگەیاند، سعودییە مەرجی پێشوەختەی داناوە بۆ وەرگرتنی ڤیزای حەج کە بریتییە لە پشکنینی پزیشکیی.
وتیشی، ئەنجامدانی پشکنینەکان مەرجە، دەبێت ئەو کەسە لە پشكنینە پزیشیکییەکان دەربچێت پێش ئەوەی پڕۆسەی حەج ئەنجامبدات، بۆ ئەو مەبەستەش چەند لیژنەیەکی پزیشکیی بۆ پشکنینەکان دانراون.
ئەوەشی خستەڕوو، پاش ئەنجامدانی، راستەوخۆ پشکنینەکان بۆ وڵاتی سعودییە دەنێردرێن و لەو رێگەیەوە ڤیزا بە حاجیان دەدرێت.
