بەڕێوەبەرایەتیی دابەشکردنی کارەبای سلێمانی/ رۆژهەڵات، كاسبكارانی بازاڕی سلێمانی لەبارەی كارەباوە ئاگاداردەكاتەوە.
ئێوارەی ئەمڕۆ یەكشەممە، بەڕێوەبەرایەتیی دابەشکردنی کارەبای سلێمانی/ رۆژهەڵات رایگەیاند، سەرجەم خاوەن دوكانەکان له‌ناو سه‌نته‌ری بازاڕی شاری سلێمانی بەتایبەت ئەوانەی كه دەكەونه سەر فيدەرى 301 و پێوه‌ری زیره‌كیان بۆ به‌ستراوه، بەڵام مامەڵەی هاوبه‌شیان نییه و كاره‌بایان له رێگای سیستمی پێوه‌ری زیره‌كه‌وه بڕدراوه، به‌زووترین كات سه‌ردانی به‌ڕێوه‌به‌رایه‌تیی دابه‌شكردنی كاره‌بای سلێمانی/ رۆژهه‌ڵات بكه‌ن.
ئامانج لە سەردانی كاسبكاران وەك راگەیەندراوەكە ئاشكرایكردووە، ئەنجامدان و راییكردنی مامەڵەی هاوبه‌شیکردنە و دەڵێت، “له دوای بڵاوكردنه‌وه‌ی ئه‌م ئاگادارییه‌وه، لێپێچینه‌وه‌ی یاساییان له‌گه‌ڵدا ده‌كرێت”.
