هەڵبژاردەی بەحرەین دووەم یاریی قۆناغی کۆمەڵەکانی جامی کەنداوی بەرامبەر قەتەر ئەنجامدا و بردنەوەیەکی گرنگی تۆمارکرد.
ئەمشەو سێشەممە، لە یاریگای (الميناء) یاریی گەڕی دووەمی قۆناغی کۆمەڵەکانی جامی کەنداوی (25) لە نێوان هەڵبژاردەکانی قەتەر و بەحرەین ئەنجامدرا، بەحرەین بە ئەنجامی دوو گۆڵ بەرامبەر بە گۆڵێک بردنەوەی تۆمارکرد.
گۆڵەکەی “عەننابی” لە خولەکی 34 لەلایەن ئەحمەد عەلادینەوە تۆمارکرا، گۆڵەکانی بەحرەین لە خولەکەکانی 72، 89 لەلایەن محەممەد وەعد ئەلبەیاتی، عەبدوڵلا یوسف هیلالەوە تۆمارکران.
لە ئێستادا بەحرەین بە شەش خاڵەوە پلەی یەکەمی کۆمەڵەی دووەمی گرتووە و بلیتی قۆناغە یەکلاکەرەوەکانی جامی کەنداوی بڕیوە، قەتەریش بە سێ خاڵەوە دووەمە و کوەیت بە هەمان ژمارە خاڵەوە سێیەمە، ئیمارات دوای دوو دۆڕاندن ماڵئاوایی لە پاڵەوانێتییەکە کردووە.
یاریی داهاتووی قەتەر بەرامبەر هەڵبژاردەی ئیمارات دەبێت، لە یارییەکی دیکەشدا کوەیت و بەحرەین بەرامبەر یەکدی یاریدەکەن.
