ئەنچیلۆتی ڕاهێنەری ڕیاڵ مەدرید یاریی نەكردنی بنزیمەی لە دێربیدا ڕاگەیاند و گەڕانەوەی میلیتاوی بەرگریكاریشی ئاشكراكرد.
ڕەتیشیكردەوە هیچ شتێك لەسەر كێشەكەی ڤینیسیۆس بڵێت و دوپاتیكردەوە كە ئەو بەلایەوە گرنگە گۆڵ بكات.
پێشبینیش دەكات یارییەكەی سبەی بەرامبەر ئەتلەتیكۆمەدرید لە ئاستێكی بەرزدابێت.
بەشێك لە قسەكانی ئەنچیلۆتی
/ كەریم بنزیمە یاریی ناكات و تا ئێستا بەتەنها ڕاهێنان دەكات
/ یارییەكەی سبەی لە ئاستێكی بەرزدا دەبێت
/ میلیتاو ئامادەیە ، بەڵام دڵنیا نیم كە سەرەكی دەبێت یان نا
/ كێشەكەی ڤینیسیۆس كار ناكاتە سەر ژووری خۆگۆڕین، هیچ قسەیەك لەو بارەیەوە نەكراوە لە ژووری خۆگۆڕیندا، ئێمە تەنها قسە لەسەر تۆپی پێ دەكەین
/ ئەوەی ئێمە بەلامانەوە گرنگە، بردنەوەیە لە تیپی بەرامبەر
/ هیچ ئامۆژگارییەكی ڤینیسیۆسم نەكردووە، من باوكی نیم
/ نازانم چی ڕوویداوە بەرامبەر ڤینیسیۆس، دەیبینم كە یارییەكی باش دەكات ئەوە بەلای منەوە گرنگە
/ ڕۆدریگۆ متمانەی بەهۆی هەیە و پێویستە پشتی یاریزانە لاوەكان بگرین
/ ئێمە دڵخۆشین كە ئاسینسیۆ بۆ هەڵبژاردەی ئیسپانیا بانگكراوە
/ ئێمە كار لەسەر ئەوە دەكەین كە تایمی یەكەم تیپی بەرامبەر هیلاك دەكەین، تایمی دووەم سوود لە هیلاكییەكەیان وەردەگرین
