هەینی ڕابردوو هەڵبژاردەی یەمەن یەکەم یاریی خۆی لە جامی کەنداوی (25) بەرامبەر سعوودیە ئەنجامدا، سەرەڕای ئەوەی بەهۆی جەنگی نێوان دوو وڵاتەکەوە یارییەکە کەشێکی سیاسی هەبوو، بەڵام لە خولەکی (85) ڕووداوێک ڕوویدا، هەموو شتێکی لەبیری هاندەران بردەوە.
لە کاتی ئاڵوگۆڕکردنی یاریزانێکی یەمەن (عومەر ئەلداحی)، یاریزانە هاوڕێکەی لەدەرەوەی یاریگا چاوەڕوانی دەکرد، تاوەکو پارێزەری قاچەکانی خۆی پێبدات (ئێسقان).
ئەم ڕووداوە هەرای ناوەتەوە، هاندەرانی تۆپی پێی عێراق هاشتاگیان کردووە و داوا دەکەن حکومەتی عیراق هەستێت بە دابینکردنی پێداویستییە وەرزشییەکان بۆ هەڵبژاردەی یەمەن، کە لە ئێستادا وڵاتەکەیان بە دۆخێکی خراپدا تێپەڕدەکات، تەنانەت کار گەیشتووەتە ئەوەی داوا لە خێڵە دەوڵەمەندەکانی بەسڕە کراوە یارمەتییان بدەن، وەک وەڵامێکیش بۆ ئەم هاشتاگە، بەشێک لە هاندەرانی هەڵبژاردەی عێراق دەستیانکردووە بە کۆکردنەوەی کاڵای وەرزشی بۆ یاریزانانی یەمەن.
هذه اللقطة التي أظهرت نقص لوازم المنتخب اليمني واضطرار لاعبي المنتخب إعارة بعضهم البعض لحظة التبديل في أول مباراة للمنتخب ضمن بطولة #كاس_الخليج المقامة في #العراق تستوجب إقالة وزير الرياضة المدعو نايف البكري ورئيس الاتحاد المدعو أحمد العيسي والمدرب سوكوب والطاقم الفني فوراً . pic.twitter.com/eDGirwWrxo
— فارس العزيبي (@faresalozibi) January 7, 2023
هاندەرانی یەمەن بەم ڕووداوە توڕە و دڵتەنگ بوون لە فیدراسیۆنی وڵاتەکەیان، داوا دەکەن سەرجەم بەرپرسان دووربخرێنەوە، فیدراسیۆنیش لە ڕاگەیاندراوێکدا دەڵێت، “ئێمە ملیۆنان دۆلار لە هەڵبژاردەکەماندا بەکاردەخەین و سەرجەم کاڵاکانمان بۆ یاریزانان لە براندە جیهانییەکان دابینکردووە، ئەوەی ڕوویداوە تەنها ئاڵوگۆڕی کاڵابووە لە نێوان دوو یاریزاندا، واتای ئەوە ناگەیەنێت کە پارێزەری قاچەکانیان نییە.”
