بەڕێوەبەرایەتیی باخچەکانی سلێمانی رووبەری سەوزایی لە شارەکەدا خستووەتەڕوو و ئاشکرایکردووە، ئێستا رووبەری سەوزایی بووە بە 19.6%.
لە راگەیەندراوێکدا بەڕێوەبەرایەتیی باخچەکانی سلێمانی بڵاویکردووەتەوە، رووبەری سەوزایی لە کۆی پارێزگای سلێمانیدا 12 ملیۆن و 780 هەزار مەتر دووجایە،
بەپێی داتاکان ئەو رووبەرە دەکاتە رێژەی 19.6%ی کۆیی رووبەری پارێزگاکە.
بەپێی دوایین ئاماری بەڕێوەبەرێتیی ئاماری سلێمانی کۆی رووبەری سەوزایی لە شاری سلێمانی لە دوای ساڵی 1991ـەوە زیاتر لە سێ هێندە زیادیکردووە، گەشەی پارێزگاکەش شەش هێندە زیاتر بووە.
