تۆمەتباری ئەو رووداوەی ئێوارەی ئەمڕۆ لە كافتریایەكی سلێمانی بە كوشتنی گەنجێك كۆتایی هات دەستگیركرا و ئاسایشی سلێمانی وردەكارییەكەی ئاشكرادەكات.
بەڕێوەبەرایەتیی ئاسایشی پارێزگای سلێمانی رایگەیاند.، پاش کەمێکی دیكە زانیاری لەسەر دەستگيركردنى تۆمەتبار بە (بکوژ)ی رووداوی کوشتنی هاوڵاتیی (ر.خ.ع.) لە کافتریایەکی سلێمانی بڵاودەکاتەوە.
كاتژمێر 07:30ی ئێوارەی ئەمڕۆ لە كافتریایەكی نزیك پردی خەسرەوخاڵ كە دەكەوێتە سەر شەقامی سالم لە سلێمانی تەقە لە كەسێك كرا و كوژرا.
بەپێی زانیارییەكان پێشتر لەناو كافتریاكەدا كێشە و دەمەبۆڵە لەنێوان بكوژ و كوژراودا هاتووەتە ئاراوە و بەهۆیەوە تاوانەكەی لێكەوتووەتەوە.
پەیامنێرمان لە زاری سەرچاوە ئەمنییەكانەوە پێیراگەیاندین، كوژراو تەمەنی نزیكەی 40 ساڵ دەبێت.
ئەوەشی وت، هێزەكانی پۆلیسی لە شوێنی رووداوەكەن و لێكۆڵینەوە دەكەن.
