هێزەکانی ئۆپراسیۆنی دەزگای ئاسایشی هەرێم و بەڕێوەبەرایەتی گشتی دژەتیرۆر CTG، فەرماندەیی هێزەکانی کۆماندۆی کوردستان، لیوای 711ی هێزەکانی حەفتای هێزی پێشمەرگە و هێزەکانی هاوپەیمانان، ئۆپراسیۆنێکی ئاسمانی و زەمینی بەرفراوانیان لە چیای ئاشداخ و ناوچەی سەنگاو ئەنجامدا.
بەرەبەیانی ئەمڕۆ دووشەممە هێزەکانی ئۆپراسیۆنی دەزگای ئاسایشی هەرێم، بەڕێوەبەرایەتی گشتی دژەتیرۆر CTG، فەرماندەیی هێزەکانی کۆماندۆی کوردستان، لیوای 711 ی هێزەکانی حەفتای هێزی پێشمەرگە و هێزەکانی هاوپەیمانان، ئۆپراسیۆنێکی ئاسمانی و زەمینی بەرفراوانیان لە چیای ئاشداخ و ناوچەی سەنگاو ئەنجامدا، کە لە کاتژمێر 5:00 ی بەرەبەیان دەستیپێکرد و تا کاتژمێر 2:00ی پاشنیوەڕۆی هەمان رۆژی خەیاند و کێوماڵی هەموو ئەو سنوورانە کرا بە مەبەستی دڵنیایی و بەدواداچوونی زیاتر لەسەر بارودۆخی ئەمنی ئەو ناوچانە.
بەپێی زانیارییەکان، ئەنجامدانی ئەم ئۆپراسیۆن و کێوماڵە تەنها مەبەست لێی دڵنیابوون و بەدواداچوونی وردی ئەمنیی و سەربازی بووە و لە ئەنجامی پشکنین و گەڕانی بەرفراوانی هێزە هاوبەشەکان دڵنیابوونەوە لە ئارامی و ئاسایشی سەنگاو دڵنیایش درایە خەڵکی سەنگاو کە سنوورەکەیان کۆنتڕۆڵە و پارێزراوە .
