لە دەروازەی کەرکوک بەردی بناغەی پرۆژەی فراوانکردنی رێگای کەرکوک-سلێمانی دانرا.
ئەحمەد عومەر، بەڕێوەبەری شارەوانیی کەرکوک، بە تۆڕی میدیایی ئێستای راگەیاند، پرۆژەکە رۆڵی زۆری لە کەمکردنەوەی قەرەباڵغیی شەقامەکە دەبێت، بەوپێیەی شەقامەکە فراوان دەکرێت و دەکرێتە 18 مەتر بۆ هەرلایەکی.
وتیشی، ماوەی تەواوبوونی پرۆژەکە ساڵێکە و درێژیی شەقامەکە چوار کیلۆمەتر و نیوە و بڕی 16 ملیار دیناری بۆ تەرخانکراوە.
بەڕێوەبەری شارەوانیی کەرکوک، باسی لەوەشکرد، شەقامەکە، بلواری ناوەڕاستی بۆ دروستدەکرێت و هەروەها پانیی شۆستەی شەقامەکە 10 مەترە کە تێیدا شوێنی لێخوڕینی پاسکیل جیاکراوەتەوە، و پرۆژەکە سەوزاییەکی زۆری تیدایە لەگەڵ دروستکردنی چەند باخچەیەک.
