یەكێتیی پیاوانی كوردستان ئامارەكانی پەیوەست بە سكاڵا و توندوتیژییەكان بەرامبەر پیاوان بڵاودەكاتەوە و رایدەگەیەنێت، لەمساڵدا 70 حاڵەتی كوشتن و خۆكوشتنی پیاوان تۆماركراوە.
لە ئاماری رێكخراوەكەدا هاتووە، لە ماوەی نێوان 2022/1/1 تا 2022/12/31دا 534 سكاڵا و توندوتیژی بەرامبەر پیاوان تۆماركراوە.
توندوتیژییەكان بەپێی ئامارەكە بەمجۆرەن (دەركردن 37 حاڵەت، خیانەتی هاوسەری 45، توندوتیژیی جەستەیی 9، تەداخولكردنی كەسوكاری خێزان 193، فشاری دەروونی و سێكسی 12، دەستبەسەراگرتنی مووچە 8، بێبەشكردنی لە بینینی منداڵ 213 و هەڕەشەی میدیایی و ناوزڕاندن 17 حاڵەت).
سەبارەت بە حاڵەتەكانی خۆكوشتنیش كە 65 حاڵەتە لە سەرتاسەری هەرێم بەپێی پارێزگاكان بەمجۆرەیە: هەولێر 23 حاڵەت، سلێمانی 26، دهۆك 8، كەركوك 6 و هەڵەبجە 2 حاڵەت.
هەروەها پێنج حاڵەتی كوشتنی پیاوان لەلایەن ژنەكانیانەوە بەهاوكاری كەسانی دیكە لەماوەی ئەمساڵدا تۆماركراون، وەك ئەوەی یەكێتیی پیاوان ئاماژەی پێداوە.
