یانەکانی مانچستەر سیتی و ئەی سی میلان بیر لە واژۆکردنی گرێبەستێک بە شێوازی ئاڵوگۆڕ دەکەنەوە، ئەگەر ڕووبدات مێرکاتۆی زستانی 2023 دەهەژێنێت.
ماڵپەڕی “کالچیۆ مێرکاتۆ” بڵاویکردووەتەوە، بەڕێوەبەرانی یانەی مانچستەر سیتی سەرسامن بە تواناکانی ڕافائێل لیاو-ی پۆرتوگالی و بیر لەوە دەکەنەوە گرێبەستی پێشکەشبکەن.
بەپێی سەرچاوەکە، گواردیۆلا ڕەزامەندی دەربڕیوە جاک گریلیشی ئەستێرەی ئینگلتەرا پێشکەش بە زەبەلاحەکەی میلانۆ بکات، بەرامبەر دەستبەرداربوونیان لە لیاو-ی تەمەن (23) ساڵ، کە توانای یاریکردنی لە باڵی هێرشبەری چەپ و هێرشبەری سەرەڕمدا هەیە.
سەرچاوەکە ئاماژەی بەوەشکردووە، پێپ گواردیۆلا سەرسامە بە لیاو و دەیەوێت وەرزی داهاتوو تێکەڵ بە پێکهاتەی سیتی بکات.
هێرشبەرەکەی میلان پشتڕاستیکردووەتەوە، کە دەیەوێت لە دەرەوەی ئیتاڵیا ئەزموونێکی نوێ تاقیبکاتەوە.
