بەپێچەوانەی خەونەکانی ئینگلتەراوە، جامی مۆندیال نەگەڕایەوە زێدی خۆی، بەڵکو پێکهاتەی وڵاتەکەیان گەڕایەوە.
سەرەڕای شکستی ئینگلتەرا بەرامبەر فەرەنسا و کرانە دەرەوەیان لە مۆندیالی قەتەر، بەڵام هێشتا ئینگلیزەکان پێیانوایە پێکهاتەکەیان بەهێز و شەرەفەوە ماڵئاوایی لە مۆندیالی قەتەر کردووە.
زۆرینەی سەرچاوە ناودارەکانی وەک “زە سەن، دەیلی مەیڵ” بۆچوونی شارەزایانیان بڵاوکردووەتەوە، تیایدا داوا لە گاریس ساوسگەیتی ڕاهێنەر دەکەن لە پۆستەکەی بەردەوام بێت و بیر لە دەستلەکارکێشانەوە نەکاتەوە.
لە بەرامبەردا ڕاهێنەرەکە داوای پشوودان و بیرکردنەوەی کردووە بۆ ماوەیەک، دوای ئەو ماوەیە بڕیارێکی یەکلاکەرەوە لەو بارەیەوە دەدات.
سەرچاوە بەریتانییەکان پێیانوایە، ساوسگەیت بەردەوام دەبێت و بە هەمان پێکهاتەوە ئامادەکاری بۆ جامی نەتەوەکانی ئەوروپا دەکات.
