نرخی نەوتی خاو بەردەوامە لە بەرزبوونەوە، بەرمیلێك جۆری برێنت لە 85 دۆلار نزیكبووەتەوە.
بەهۆی شەپۆلی بەفربارین و كەشوهەوای ساردی ئەمریكاوە، نرخی نەوتی خاو بەرزبووەوە و ئەمڕۆ سێشەممە بەرمیلێك نەوتی جۆری برێنت بە 84.65 دۆلارە.
كەشوهەوای ئەمریكا دۆخێكی ناجێگیری لە بازاڕی وزەدا دروستكردووە و ترس هەیە لەوەی دۆخی ئەو وڵاتە، كاریگەریی لەسەر بەرهەمهێنانی نەوت و گواستنەوەی هەبێت.
جگە لە جۆری برێنت، نرخی نەوتی خۆرئاوای تەكساس بەرزبووەتەوە و بەرمیلێكی بە 80.41 دۆلار مامەڵەی پێوەدەكرێت.
هاوكاتی نەوت، نرخی زێڕ لەسەر ئاستی جیهان بەرزبووەوە و ئۆنسەیەك زێر بە 1805 دۆلارە.
