کیلیان مباپێ هیچ هەنگاوێک بە ئاراستەی نوێکردنەوەی گرێبەستەکەی نانێت، بڕیاریداوە لە هاوینی 2024 دانوستاندن لەگەڵ هەردوو یانەی پاریس سان جێرمان و ڕیاڵ مەدرید بکات.
بەپێی زانیارییەکانی پۆرتاڵی “ئۆکەی دیاریۆ”، کیلیان مباپێ بە ئاشکرا هەڕەشەی لە ئیدارەی پاریس سان جێرمان کردووە و جەختی لەوە کردووەتەوە، تاوەکو 2024 مەرجەکانی جێبەجێبکەن گرێبەستەکەی نوێدەکاتەوە، بەپێچەوانەشەوە ڕوودەکاتە یانەی ڕیاڵ مەدرید.
مەرجەکانی مباپێ بریتی بوون لە، فرۆشتنی نێیمار، کڕینی هاری کەینی هێرشبەری ئینگلتەرا، هەروەها دەستنیشانکردنی زینەدین زێدان لە جێگەی کریستۆف گالیتیێ وەک ڕاهێنەری یانە.
لە هاوینی 2024 “ئاسکەکەی فەرەنسا” گرێبەستی لەگەڵ پاریس کۆتاییدێت، دەتوانێت نوێیبکاتەوە، یاخود بێبەرامبەر ڕووبکاتە یانەی شاهانەی مەدرید.
