یانەى نەسڕی سعودی لە گفتوگۆکانی لەگەڵ ڕۆناڵدۆ بەردەوامە و ئامانجی ئەوەیە پێش سەری ساڵ هەموو شتێک کۆتایی پێبهێنێت
بەپێی وتەى مارسیلۆ سالازار بەڕێوەبەری وەرزشی یانەى نەسڕ، گفتوگۆکان بەرەو پیشچونی بەخۆوە بینیوە و نزیکن لە یەکلایی کردنەوەى گرێبەستەکە.
لێدوانی بەڕێوەبەری کارەکانی یانەى نەسڕ:
– ناتوانم هیچ شتێک بڵێم لەسەر گرێبەستی ڕۆناڵدۆ، بە بەڵێ و نەخێر ناتوانم وەڵام بدەمەوە
– دەبێت چاوەڕێ بکەین بزانین تا کۆتایی ساڵ چی ڕوودەدات
– وەک دەیبینن، گفتوگۆکان زۆر قورسن، تەنها بابەتەکە پەیوەندی بە یانەکەوە نییە بەڵکو پەیوەندی بە هەموو وڵاتەکەوە هەیە، پێویستە بەرپرسانی باڵا قسەى تیا بکەن
– ئەوەى دەتوانم بیڵێم ئەوەیە کە ڕۆناڵدۆ یەکێکە لە باشترین یاریزانەکانی مێژووی تۆپی پێ، هەمیشە نمونە بووە بۆ ئێمە لە ڕووی خواست و بردنەوەوە
– بە سیفەتی ئەوەى کە خۆم پورتوگالیم، هەمیشە پاڵپشتیم کردووە، لەکاتێکی گونجاودا باس لە هەموو وردەکارییەکان دەکەین.
