بەڕێوەبەرایەتیی پۆلیسی سلێمانی دەستگیرکردنی کەسێکی بە تۆمەتی کوشتن لە ناحیەی دارەتوو راگەیاند.
بەڕێوەبەرایەتیی پۆلیسی سلێمانی ئەمڕۆ سێشەممە بڵاویکردەوە، “لەدرێژەی بەدواداچوون و لێكۆڵینەوەكان، مەفرەزەكانی بنكەی پۆلیسی حەساری سەر بە بەشی پۆلیسی سەیدسادق تۆمەتبارێكی تری داواكراویان بەناوی ( ف ، ب ، أ ) دەستگیركرد كە لەلایەن بەڕێوەبەرایەتی پۆلیسی پارێزگای هەولێر- بنكەی پۆلیسی دارەتوو داواكراو بووە و فەرمانی دەستگیركردنی بۆ دەرچووە بە تۆمەتی كوشتن”.
ئاماژەی بەوەش کرد، “پێشتر و لەسەر هەمان دۆسیە تۆمەتبارێكی تر لەلایەن بنكەی ناوبراوەوە دەستگیركرا كە لە ئێستادا هەردووكیان بەبڕیاری دادوەرو بەپێی ماددەی 406 لەیاسای سزادانی عێراقی راگیراون”.
