بەڕێوەبەرایەتیی پۆلیسی هەولێر کوژرانی کەسێکی ڕاگەیاند، کە لەلایەن براکەیەوە کوژراوە و هۆکارەکەی کێشەی کۆمەڵایەتی بووە.
لە ڕاگەیەندراوێکدا بەڕێوەبەرایەتیی پۆلیسی هەولێر بڵاویکردەوە، ڕووداوەکە لە کاتژمێر 11:30 خولەکی شەوی ڕابردوو، لە کۆمەڵگای جدیدەی سەربە ناحیەی ڕزگاری ڕوویداوە.
بەپێی ڕاگەیاندراوەکەی پۆلیسی هەولێر، ئەو کەسەی کوژراوە ناوی (هێمن) بووە و تەمەنی 20 ساڵ بووە، لەلایەن برایەکی خۆیەوە بەناوی (هـ. ع. ع)، کە تەمەنی 43 ساڵە کوژراوە.
بەڕێوەبەرایەتیی پۆلیسی هەولێر ئاشکرایکردووە، ڕووداوەکە بەهۆی کێشەی کۆمەڵایەتییەوە بووە.
