پۆلیسی سلێمانی رایدەگەیەنێت، بە تۆمەتی دزینی 200 ملیۆن دینار و بڕێک ئاڵتون، لەلایەن هێزەكانیانەوە چوار تۆمەتبار دەستگیركراون.
بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی هاوڵاتییەک سکاڵای تۆمارکرد کە لە ماڵەکەی بڕی 200 ملیۆن دینار و بڕێک ئاڵتونی لێدزراوە، دەستبەجێ هێزەکانی پۆلیس لێکۆڵینەوەکانیان دەستپێکرد و دوای وەرگرتنی بڕیاری دادوەر، توانرا چوار تۆمەتبار لەلایەن مەفرەزەکانی نووسینگەی نەهێشتنی تاوانی چەمچەماڵەوە بدۆزرێنەوە و دەستگیربکرێن.
دەشڵێت، لەکاتی دەستگیرکردنی تۆمەتباراندا دەستگیرا بەسەر بڕێک دراوی ئەمەریکیدا.
پۆلیسی سلێمانی ئاماژەی بەوەشدا، تۆمەتباران (د.ع.ش. لەدایکبووی 1999، ت.م.غ. لەدایکبووی 1999، ز.س.ل. لەدایکبووی 1999 و م.ر.ف. لەدایکبووی 1997) دانیان بە تاوانەکەیاندا ناوە و، لە ئێستادا بە بڕیاری دادوەر و بەپێی ماددەی 443 لە یاسای سزادان راگیراون.
