لە رووداوێكی ئاگركەوتنەوەدا لە رۆژهەڵاتی فەرەنسا 10 كەس گیانیان لەدەستدا.
بەیانی ئەمڕۆ بە هۆكارێكی نادیار ئاگر لە باڵەخانەیەك لە شاری لیۆن لە رۆژهەڵاتی فەرەنسا كەوتەوە و بەهۆیەوە 10 كەس گیانیان لەدەستدا و 14 كەسی دیكەش برینداربوون.
میدیاكانی ئەو وڵاتە ئاماژەیان بۆ ئەوەش كردووە، ئەو باڵەخانەیەی ئاگرەكەی تێدا كەوتووەتەوە حەوت نهۆم بووە.
هاوكات وەزارەتی ناوخۆی فەرەنساش بڵاویكردووەتەوە، پێنج لە قوربانییەكانی رووداوەكە منداڵن.
