بەپێی ئەو زانیارییانەی بە تۆڕی میدیایی ئێستا دراون، نرخی یەك بەرمیل نەوت كە پێشتر گەیشتە 300 هەزار دینار، دابەزینی بەخۆوە بینیوە و ئەمڕۆ یەك بەرمیل نەوت لە شاری سلێمانی بە 230 هەزار دینار فرۆشراوە.
لە زانیارییەكاندا هاتووە، بەهۆی بەردەوامی پڕۆسەی دابەشكردنی نەوتی سپی لە ناوچە شاخاوییەكان نرخی نەوتی سپی دابەزینی بەخۆوە بینیوە و ئەو بڕە نەوتەی ڕۆژانە دەگاتە پارێزگای سلێمانی بەسەر ناوچە شاخاوییەكاندا دابەشدەكرێت.
ئاماژە بۆ ئەوەش كراوە، ئەگەر پلەكانی گەرماش نزمبوونەوەی زیاتر بەخۆوە ببینێت، بەڵام دابەشكردنی نەوتی سپی بەسەر هاوڵاتییاندا بەردەوام بێت نرخەكەی بەرزنابێتەوە.
